ପୂଜାରେ ତରଙ୍ଗର ଡବଲ୍ ଧମାଲ୍ : ପ୍ରେମ କୁମାର ଏବଂ ଶ୍ରୀମାନ ସୁରଦାସ

ଏହି ପୂଜାରେ ତରଙ୍ଗ ସିନେ ପ୍ରଡକ୍ସନ୍ସ ନେଇ ଆସିଛି ଦୁଇ ଦୁଇଟି ଓଡ଼ିଆ ସିନେମା । ଅନୁଭବ ଓ ତମନ୍ନାଙ୍କ ଯୋଡ଼ିରେ ‘ପ୍ରେମ କୁମାର’ ଏବଂ ବାବୁସାନ, ଭୂମିକାଙ୍କ ଯୋଡ଼ିରେ ‘ଶ୍ରୀମାନ ସୁରଦାସ’ ।

ତମନ୍ନାଙ୍କ ଅନୁଭବଙ୍କ ସହ ଏହା ପ୍ରଥମ ଫିଲ୍ମ ହୋଇଥିବାରୁ ସେ ଖୁବ ଉତ୍ସାହିତ ଅଛନ୍ତି । ତମନ୍ନା ଏହି ଫିଲ୍ମରେ ଏକ ଗୀତରେ ନିଜର ସ୍ଵର ବି ଦେଇଛନ୍ତି । ‘ପ୍ରେମ କୁମାର’ର ପ୍ରିମିୟମ ଶୋ କଟକର ବୃନ୍ଦାବନ ଟକିଜରେ ମୁକ୍ତିଲାଭ କରିଥିଲା । ଯେଉଁଠି ଦୁହେଁ ଅନୁଭବ ଏବଂ ତମନ୍ନା ଉପସ୍ଥିତ ରହି ଦର୍ଶକଙ୍କୁ ଉତ୍ସାହିତ କରିଥିବାର ଜଣାପଡିଛି ।

ସେହି ସମୟରେ କଟକର ଜୟଶ୍ରୀ ଟକିଜରେ ଦେଖିବାକୁ ମିଳିଥିଲା ବାବୁସାନ ଏବଂ ଭୂମିକାଙ୍କୁ ତାଙ୍କ ଫିଲ୍ମ ‘ଶ୍ରୀମାନ ସୁରଦାସ’ର ପ୍ରିମିୟର ଶୋରେ । ବାବୁସାନ ସେଥିରେ ଜଣେ ଅନ୍ଧ ଭୂମିକାରେ ଦେଖିବାକୁ ମିଳିବ। ଫିଲ୍ମଟି ଖୁବ ରୋମାଣ୍ଟିକ ଏବଂ ହାସ୍ୟାତ୍ମକ ହୋଇଥିବା ଦର୍ଶକ କହିଛନ୍ତି ।