ପୁସ୍ତକମେଳାରେ ରାଜ୍ୟସ୍ତରୀୟ କବିତା ପାଠୋତ୍ସବ

ବ୍ରହ୍ମପୁର, ୧୮୧୧: ସ୍ଥାନୀୟ ଏସଏସଭିଟି ଗ୍ରାଉଣ୍ଡଠାରେ ଆୟୋଜିତ ପୁସ୍ତକମେଳାରେ ଆଜି ରାଜ୍ୟସ୍ତରୀୟ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛିଓଡ଼ିଶାର ବିଶିଷ୍ଟ ସାହିତ୍ୟିକ ତଥା ପ୍ରାକ୍ତନ ସାହିତ୍ୟ ଏକାଡେମୀ ସଭାପତି ଡକ୍ଟର ହୁସେନ୍ ରବି ଗାନ୍ଧୀ ପ୍ରଦୀପ ପ୍ରଜ୍ଜ୍ଵଳନ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ

ପୁସ୍ତକମେଳା ସାହିତ୍ୟିକ ମାନଙ୍କ ମହାକୁମ୍ଭ ପୁସ୍ତକମେଳାରେ ହିଁ ସାହିତ୍ୟିକମାନେ କବି ଓ ଲେଖକମାନଙ୍କ ମହାମିଳନ ଘଟିଥାଏ ବୋଲି କବି ରବିଗାନ୍ଧୀ ନିଜର ଉଦ୍ଘାଟନ ଅଭିଭାଷଣରେ କହିଥିଲେମୁଖ୍ୟ ଅତିଥି ଭାବେ ଡକ୍ଟର କମ୍ବୁପାଣି ସାମନ୍ତ ଯୋଗଦେଇ ବ୍ରହ୍ମପୁରରେ ମହାନଗର ପୁସ୍ତକ ମେଳା ସାରାରାଜ୍ୟରେ ଇତିହାସ ସୃଷ୍ଟି କରିଥିବା କଥା କହିଥିଲେ ଏଥିସହ ମହାନଗର ପୁସ୍ତକମେଳାଦ୍ଵାରା ଅନେକ ସାହିତ୍ୟିକ ଲୋକଲୋଚନକୁ ଆସିପାରୁଛନ୍ତି ବୋଲି ଶ୍ରୀଯୁକ୍ତ ସାମନ୍ତ ସୂଚନା ଦେଇଥିଲେ

ବିଶିଷ୍ଟ ଅତିଥି ଭାବେ ଗାଳ୍ପିକ ଶ୍ରୀଯୁକ୍ତ ସଦାନନ୍ଦ ତ୍ରିପାଠୀ ଯୋଗଦେଇ ଗଞ୍ଜାମମାଟି ଓଡ଼ିଆ ସାହିତ୍ୟର ଏକ ପବିତ୍ର ମାଟି ଏବଂ ଏହି ମାଟିର ଅନେକ କବି, ସାହିତ୍ୟିକ ଓଡ଼ିଆ ସାହିତ୍ୟକୁ ସମୃଦ୍ଧ କରିଛନ୍ତି ବୋଲି ନିଜର ବକ୍ତବ୍ୟରେ ସେ ଦର୍ଶାଇଥିଲେଉପଜିଲ୍ଲାପାଳ ଶ୍ରୀଯୁକ୍ତ ଦିଗନ୍ତ ରାଉତରାୟ ସମ୍ମାନିତ ଅତିଥିଭାବେ ଯୋଗଦେଇ ଏହିଭଳି କାର୍ଯ୍ୟକୁ ସ୍ଵାଗତ ଯୋଗ୍ୟ ବୋଲି କହିବା ସହ ପୁସ୍ତକମେଳା ଆୟୋଜକମାନଙ୍କୁ ସାଧୁବାଦ ଜଣାଇଥିଲେ

ବିଶିଷ୍ଟ କବି ଶ୍ରୀଯୁକ୍ତ ପ୍ରମୋଦ ପ୍ରଧାନ ସମ୍ମାନିତ ଅତିଥିଭାବେ ଯୋଗଦେଇ ରାଜ୍ୟ ସ୍ତରୀୟ କବିତା ପାଠୋତ୍ସବରେ ପଢାଯାଇଥିବା କବିତା ଗୁଡିକ ଉଚ୍ଚକୋଟିର ବୋଲି ଦର୍ଶାଇଥିଲେ ଏହି ଅବସରରେ ପୁସ୍ତକମେଳା ସର୍ବୋଚ୍ଚ ସମ୍ମାନ ଡ. କମ୍ବୁପାଣି ସାମନ୍ତଙ୍କୁ, ପୁସ୍ତକମେଳା ଗଳ୍ପ ସମ୍ମାନ ଶ୍ରୀଯୁକ୍ତ ସଦାନନ୍ଦ ତ୍ରିପାଠୀଙ୍କୁ, କବିତା ସମ୍ମାନ ପ୍ରମୋଦ ପ୍ରଧାନଙ୍କୁ, ଶିଶୁ ସାହିତ୍ୟ ସମ୍ମାନ ଯଜ୍ଞଦତ୍ତ ସାମନ୍ତରାୟଙ୍କୁ ଏବଂ ପୁସ୍ତକମେଳା ଯୁବ ପ୍ରତିଭା ସମ୍ମାନ ଡ. ଲକ୍ଷ୍ମୀନାରାୟଣ ଦାଶଙ୍କୁ ପ୍ରଦାନ କରାଯାଇଥିଲା

ବିଶିଷ୍ଟ କବି ତଥା କବି ସୁଶାନ୍ତ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କବି ଶରତ ଦାସ, କବି ଲକ୍ଷ୍ମୀ ନାରାୟଣ ଦାଶ କବିତା ସଂଯୋଜନା କରିଥିଲେ ଏହି କାର୍ଯ୍ୟକ୍ରମକୁ ଦିପ୍ତିମିତା ମହାପାତ୍ର, କପିଲଚନ୍ଦ୍ର ମହାନ୍ତି, ସତ୍ୟମ ଆଚାରୀ, ବାଲ୍ମୀକି ମହାପାତ୍ର, ନରେଶ କୁମାର ବେହେରା, ସୁଧାଞ୍ଜଳି ମିଶ୍ର, ଗିରିଜା ଶତପଥୀ ପ୍ରମୁଖ ପରିଚାଳନା କରିଥିଲେ ଏହି ପୁସ୍ତକମେଳା ଆସନ୍ତା ୨୫ ତାରିଖ ପର୍ଯ୍ୟନ୍ତ ଚାଲୁ ରହିବ ବୋଲି କମିଟି ସଭାପତି କବି ସୁଶାନ୍ତ ଦାଶ ସୂଚନା ଦେଇଥିଲେ କବି ଅଜିତ କୁମାର ସାବତ ଧନ୍ୟବାଦ ପ୍ରଦାନ କରଥିଲେ

Post a Comment

0 Comments