ବାଣୀପୀଠ ସମ୍ମାନରେ ସମ୍ମାନିତ ହେଲେ ଖଇରାରୁ ନରେନ୍ଦ୍ର ପ୍ରସାଦ ଵେହେରା

ଖଇରା,୨/୪- ମୟୂରଭଞ୍ଜ ଜିଲ୍ଲା ବଡସାହି ନିକଟରେ ଥିବା ବିବେକାନନ୍ଦ ଶିକ୍ଷା କେନ୍ଦ୍ର ପରିସରରେ ଓଡିଆ ଲେଖକ ପରିଷଦ ପକ୍ଷରୁ ରାଜ୍ଯସ୍ତରୀୟ କବିତା ମହାଯଜ୍ଞ, କବି, ଲେଖକ ଓ କଳାକାର ସମ୍ମେଳନ, ପୁସ୍ତକ ଉନ୍ମୋଚନ ଏବଂ ୩୯ ତମ ବାଣୀପୀଠ ମହୋତ୍ସବ-୨୦୧୯ ତରଫରୁ ବାଣୀପୀଠ ପୁରସ୍କାର, ପଦବୀ, ପଦକ, ମାନପତ୍ର ଓ ଉପାୟନ ଅର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଏହି କାର୍ଯ୍ୟକ୍ରମ ୩ଦିନ ଧରି ଅନୁଷ୍ଠିତ ହୋଇଥିଲା । ଶେଷଦିନ ସମ୍ବର୍ଦ୍ଧନା ମଞ୍ଚର ସଭାପତିତ୍ବ କରିଥିଲେ ଆର୍ଯ୍ୟ କବି ପଣ୍ଡିତ ଡକ୍ଟର ପ୍ରମୋଦ ମିଶ୍ର, ମୁଖ୍ଯ ଅତିଥି ଭାବେ ଓଡିଶା ସାହିତ୍ୟ ଏକାଡେମୀର ପ୍ରାକ୍ତନ ସଭାପତି ଡକ୍ଟର ହୁସେନ ରବିଗାନ୍ଧୀ, ମୁଖ୍ଯବକ୍ତା ଭାବେ ନାଇଜର ଭୁବନେଶ୍ୱର କୁଳସଚିବ ଡକ୍ଟର ଅଭୟ କୁମାର ନାୟକ, ସମ୍ମାନିତ ଅତିଥି ମାନଙ୍କ ମଧ୍ଯରେ ଜନପ୍ରିୟ ବିଜ୍ଞାନ ମଞ୍ଚ ସଭାପତି ପ୍ରଫେସର ଡକ୍ଟର ସୂର୍ଯ୍ୟ ମଣି ଵେହେରା, ନଗର ଉନ୍ନୟନ ବିଭାଗ ସେବାନିବୃତ୍ତ ନିର୍ଦ୍ଦେଶକ ମୀନକେତନ ଦାସ, ସମ୍ମାନିତ ବକ୍ତା ଭାବେ ମୟୂରଭଞ୍ଜ ବାରିପଦାର ଡକ୍ଟର ନୀଳକଣ୍ଠ ମିଶ୍ର, ଖୋର୍ଦ୍ଧା ନିରାକାରପୁରର ଡକ୍ଟର ରବିନାରାୟଣ ରଥ, ସୁବର୍ଣ୍ଣପୁର ତରଭାର ଡକ୍ଟର ରମେଶ ଚନ୍ଦ୍ର ପତ୍ରୀ ଓ ଭୁବନେଶ୍ୱରର ପ୍ରଫେସର ଡକ୍ଟର ରାଜଲକ୍ଷ୍ମୀ ପଣ୍ଡା ପ୍ରମୁଖ ମଞ୍ଚାସୀନ ହୋଇଥିଲେ । ମଞ୍ଚପରିଚାଳନା କରିଥିଲେ ଶଚିନ୍ଦ୍ର କୁମାର ବିଶ୍ବାଳ (ତୋଫାନ ଭାଇ) ଏବଂ ବଙ୍କିମ ଚନ୍ଦ୍ର ବାରିକ(ବଙ୍କିମ ଭାଇ) ।
ଏହି ବାଣୀପୀଠ କାର୍ଯ୍ୟକ୍ରମକୁ ରାଜ୍ଯର କୋଣ ଅନୁକୋଣରୁ ଆସି ଥିବା ପ୍ରତିଭଧାରି ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେଥିମଧ୍ଯରୁ ବାଲେଶ୍ଵର ଜିଲ୍ଲା ଖଇରା ବ୍ଲକ  ଖଇରା ପଞ୍ଚାୟତ ଆଳଦା ଗ୍ରାମର ନରେନ୍ଦ୍ର ପ୍ରସାଦ ବେହେରାଙ୍କୁ ବାଣୀପୀଠ ସମ୍ମାନରେ ସମ୍ମାନିତ କରି ଅନୁଷ୍ଠାନ ନିଜକୁ ଗର୍ବିତ ମନେକରିଛି । 
ସୁଦୂର ବାଲେଶ୍ବର ଜିଲ୍ଲାରୁ ଯାଇ ମୟୂରଭଞ୍ଜର ବଡସାହି ଠାରେ ଅନୁଷ୍ଠିତ ବାଣୀପୀଠ ମହୋତ୍ସବରେ ସମ୍ମାନିତ ହୋଇଥିବାରୁ ଶ୍ରୀ ଵେହେରା ଅନୁଷ୍ଠାନର ସମସ୍ତ କର୍ମକର୍ତ୍ତା ମାନଙ୍କୁ ଧନ୍ୟବାଦ ଦେବା ସଙ୍ଗେ ସଙ୍ଗେ ଅନୁଷ୍ଠାନର ଉତ୍ତରୋତ୍ତର କାମନା କରିଥିଲେ । ଅତିଥିମାନେ ଶ୍ରୀ ଵେହେରାଙ୍କୁ ମାନପତ୍ର, ଉତ୍ତରୀୟ ଓ ଉପଢୌକନ ଦେଇ ସମ୍ମାନିତ କରିଥିଲେ ସୁନ୍ଦର କବିତା ଓ ଗଳ୍ପଲେଖା ପାଇଁ । ଶେଷରେ ଧନ୍ୟବାଦ ପରେ ସମ୍ବର୍ଦ୍ଧନା କାର୍ଯ୍ୟକ୍ରମ ଶେଷ ହୋଇଥିଲା ।

Post a Comment

0 Comments